DANGDING BUBUKA
Kinanti
Assalamu’alaikum.
Sampurasun para wargi.
Ka sakum para sastrawan.
Sareng nu weruh di seni.
Ogé para ahli basa.
Budayawan kitu deui.
Sampurasun para wargi.
Ka sakum para sastrawan.
Sareng nu weruh di seni.
Ogé para ahli basa.
Budayawan kitu deui.
Sasadu mungguh ti payun.
Sanésna mah kumawani.
Namung inggis kasieunan.
Dituding nu lain-lain.
Pajarna hoyong kamanah.
Kapuji nya kitu deui.
Sanésna mah kumawani.
Namung inggis kasieunan.
Dituding nu lain-lain.
Pajarna hoyong kamanah.
Kapuji nya kitu deui.
Mung sembah nu kapihatur
Ka sadayana sakalih
Muga nyata hiji du’a
Ka sakumna teu dipilih
Ginanjar kawaluyaan
Rohmat welas asih Gusti.
Jalaran leres sumuhun
Abdi rumaos nya laip
Teu weruh di tatakrama
Tata-titi nu utami
Rumaos seueur kakirang
Kalepatan liwat saking.
Abdi rumaos nya laip
Teu weruh di tatakrama
Tata-titi nu utami
Rumaos seueur kakirang
Kalepatan liwat saking.
(Tekad kuat jero ati
Pangestu di semu budi
Hancengan lemah sarakan
Asli nitis dina getih
Ti dinya nyata gumelar
Cianjur ngeunteung na diri)
Saéstu gaduh pimaksud
Kahoyong iasa ngiring
Icikibung dina sastra
Sastra Sunda utami
Mugi-mugi tinekanan
Katampi ku para wargi.
Kahoyong iasa ngiring
Icikibung dina sastra
Sastra Sunda utami
Mugi-mugi tinekanan
Katampi ku para wargi.
Mungguh kasebat nembé prung
Ngawitan diajar nulis
Tinangtos seueur kakirang
Kalepatan kitu sami
Aya di unggal padana
Mugi ageung pangaksami.
Atuh teu kantun pamundut
Nyata kahoyong diaping
Dijaring dipapatahan
Perkara tulis-tinulis
Nyata dina sastra Sunda
Pon élmu nu sanés deui.
Nyata kahoyong diaping
Dijaring dipapatahan
Perkara tulis-tinulis
Nyata dina sastra Sunda
Pon élmu nu sanés deui.
Ka sadayana dipundut
Ka nu tos tapis-patitis
Kasebat para bujangga
Atawa nu sami nulis
Nya henteu dipilah-pilah
Ka sadayana meredih.
Mugi tiasa katampi
Katampi ku sadayana
Kalawan ku wening galih
Sih hapunten kalepatan
Nu ngagurit ieu dangding.
Tidak ada komentar:
Posting Komentar