GUNEM BATIN DINA DANGDING
Kahatur: Rusman Sutiasumarga
Kahatur: Rusman Sutiasumarga
Kokojayan icikibung
Ngarambah alam bihari
Di leuwi Sipatahunan
Pamiangan puseur diri
Kokojayan teuteuleuman
Sorangeun alam kiwari
Teu bisa kebat lumaku
Haréwosna aki-nini
Mungguh nu tibelat rasa
Inget deui inget deui
Kamelang rék indit nyaba
Balik deui balik deui
Laju
kabawa ku waktu
Taraté nampeu di cai
Henteu weléh ngangantosan
Sumirat
nyaangan deui
Pajar téh moal deuk lila
Saukur peupeujeuh diri.
(Aduh-aduh ulah pundung
Hiap
geura gugah deui
Kapan geus kudu tatahar
Geus wanci kukumpul deui
Anjeun nya
kedah motékar
Bari émut purwadaksi)
Geuningan
abdi kapahung
Rék néang ka mana deui
Puguh enya milarian
Sumirat teuing ka
mendi
Tacan wantun lalayaran
Hambalan tacan ngajadi.
(Aduh-aduh naha kitu
Rempan
miang balik deui
Da sanés lampah cangcala
Kasieun teuing ngajadi
Inggis
hilap ka wiwitan
Pangaping Hariring Kuring)
Pilahir
anteb nataku
Anteb dina aci batin
Piwejang anjeun jungjunan
Sahijina éta
abdi
Mugia binarung du’a
Hiji mangsa nya ngajadi
(Mugia mulus rahayu
Urang tiasa
mupusti
Pusaka karuhun urang
Tong dugi kaluli-luli
Saseuweu-siwi Ki Sunda
Di mana andika ngancik)
Nyata
aya opat laku
Basa-Sastra reujeung Seni
Sarengna éta Budaya
Salasahijina
deui
Nu mana baé ayana
Gumantung tékad na diri.
Tidak ada komentar:
Posting Komentar