KINANTI SARI KINASIH

KINANTI SARI KINASIH

Demi asih nu geus nyurup

Demi tresna nu kaselir

Di dieu rasa nyangsara

Kaasih nu kapigalih

Haté gumeter tamada

Ngan sahiji nu dianti

            Dimana jampé salusuh

            Dimana jampé pamatri

            Kedal wakca najan kemba

            Ka diri kuring ngageuri

            Nu datang tanpa larapan

            Kiwari ngancik ‘na ati

            Satungtung nepi ka tungtung

            Moal weléh nganti-nganti

            Moal weléh mikacinta

            Mikaasih dina galih

            Mikanyaah rerencepan

            Sanajan ukur ‘na ati

Lulunta najan kasarung

Néangan pupujan ati

Nuturkeun kahayang rasa

Nyumponan paménta diri

Salawasna mikatresna

Ukur anjeun ngan sahiji

Bumi Siliwangi, 14072007