CEURIK-CEURIK BUDAK PEUTING
Asmarandana
(Budak peuting
ngalumengis
Lumampah
sosoranganan
Nyanyambat
ngagero-gero
Ambara disaput méga
Leumpang kadungsang-dungsang
Pahung bingung kapidangdung
Tunggara ngawasa rasa)
Ka mana ratuning peuting
Ibu kami nyata bulan
Sasarina katémbong bréh
Ayeuna duka ka mana
Taya nu ngabeberah
Mun kami sumedeng bingung
Sasari sok diupahan
Ka mana duh angin peuting
Ngaleungit teu aya béja
Sasarina tara mingé
Ngajak ulin lalayaran
Kami nyata sorangan
Ngabeberah ngalilipur
Geuninganan teu kaduga
(Lalaunan
ngabangingik
Budak
peuting nya kumapang
Sumegruk
diliung simpé
Bangreung
kumelip anggana
Atra
nyata ambara
Dumeling
dipulas suwung
Budak
peuting balilihan)
Tidak ada komentar:
Posting Komentar